نەخۆشخانەیەکی گرنگی 100 قەرەوێڵەیی لەکەرکوک دەکرێتەوە

وەزارەتی پلاندانانی عێراق رایگەیاند، درووستکردنی نەخۆشخانەیەکی تایبەت بە  لووەکانی شێرپەنجەو نەخۆشییەكانی خوێن لە پارێزگای کەرکوک گەیشتووەتە قۆناغەکانی کۆتایی.
بەپێی بەیانامەیەک، لیژنەی بەدواداچوونی پڕۆژەکەكان سەردانێکی مەیدانیی بۆ پڕۆژەی دامەزراندنی یەکەم و مۆدێرنترین سەنتەری تایبەتمەند بە لووەکانی شێرپەنجە و نەخۆشیەکانی خوێن لە کەرکوک کردووە.
ڕووبەری سەنتەرەکەش (٧ هەزار) مەتر دووجایە، بەدوو قۆناغ جێبەجێ دەكرێت
رونیشیکردوەتەوە، سەنتەرەکە لە (٣) نهۆم پێکهاتووە، چەندین هۆڵ و ژووری نەخۆش لەخۆدەگرێت، لەگەڵ تاقیگە و دەرمانخانە و (16) ژووری تایبەت بە پزیشکان و ژێرزەمینێک کە ژووری خزمەتگوزاری و ئامێری ساردکردنەوە و گەرمکەرەوەی تێدایە، چێشتخانە و پەناگەیەکی فریاگوزاری، جگە لە باخچە و پاڕكی وەستانی ئۆتۆمبێل.