شانەی ئەمنیی عیراق: حەشارگەیەکی داعشمان لە سەڵاحەدین خاپوورکرد

شانەی ئەمنیی عێراق رایگەیاند، دوو حەشارگەی داعشیان بە فڕۆکەی ئێف 16 لە زنجیرە چیای حەمرین و وادی چای لە رۆژهەڵاتی پارێزگای سەڵاحەدین خاپوورکردووە.
شانەی ئەمنیی عێراق لە راگەیەندراوێکدا دەڵێت، هەردوو حەشارگەکە ژمارەیەک چەکداری داعشیان تیادابووە، دەشڵێت، هێزە ئاسمانییەکانی عێراق بە فڕۆکەی ئێف 16 بەردەوامن لە خاپوورکردنی حەشارگەکانی داعش.
ئاماژە بەوەشکراوە،  ئەم ئۆپراسیۆنە تایبەتە، درێژەپێدەری ئۆپراسیۆنەکانی دیکەیە کە هێزە ئەمنییەکانمان بۆ راوەدوونانی ئەندامانی داعش دەیکەن.
ئەمە لەکاتێکدایە، لە کۆتاییەکانی 2017 حەیدەر عەبادی، سەرۆکوەزیرانی پێشووتری عێراق کۆتاییهاتنی چەکدارانی داعشی لە عێراق راگەیاند، بەڵام ناو بەناو هێرشی چەکداریی دەکەنەسەر هاوڵاتییان و هێزە ئەمنییەکان، بەتایبەت لەو ناوچانەی بۆشایی ئەمنییان لەنێوان هێزەکانی پێشمەرگە و سوپای عێراق تێدایە.