ئاژەڵ و مەڕوماڵاتی عیراق جگە لە هەرێم لەلایەن وەزارەتی کشتوکاڵی عیراقەوە دەکوترێن

ئاژەڵ و مەڕوماڵاتی عێراق لەلایەن وەزارەتی کشتوکاڵی عێراقەوە دژی نەخۆشی تای خوێنبەربوون و کۆکە دەکوترێن، بەڵام هەرێمى کوردستان ناگرێتەوە.
سائر سەبری بەڕێوەبەری فەرمانگەی ڤێتەرنەری بەشی پەتاکان بڵاویکردووەتەوە تا ئێستا شەش هەڵمەتی پارێزیی ئاژەڵان لە پەتاکان رێکخراون. دەشڵێت لە هەمووی گرنگتر پەتای خوێنبەربوون و کۆکەیە، توانیویانە تەواوی کوتانەکان دابین بکەن بۆ هەموو شار و شارۆچکەکان، جگە لە هەرێمی کوردستان”.
وەزارەتیکشتوکاڵ دەڵێت بەهۆی ئەو هەڵمەتانەوە ئەمساڵ رێژەی نەخۆشی خوێنبەربوون بەراورد بە پــــار لە 580 حاڵەتەوە بۆ 205 حاڵەت کەمبووەتەوە.
وەزارەتیکشتوکاڵ باسی لەوەشکرد، ئاژەڵانی تووشبوو بە نەخۆشی جیادەکەنەوە و لیژنەکانیان بەردەوام دەگەڕێن و پشکنین بۆ کێڵگەی ئاژەڵان دەکەن و ئاگاشیان لە گۆشتفرۆشەکانە.