لە ساڵی نوێدا رێگە بە هاوڵاتییان دەدرێت مۆبایل ببەنە ناو فەرمانگەکانی کەرکوکەوە

بەگوێرەی بڕیارێکی پارێزگاری کەرکوک، لەمەودوا رێگە بە هاوڵاتییانی شارەکە دەدرێت مۆبایلەکانیان لەگەڵ خۆیان ببەنە ناو بەڕێوەبەرایەتییەکان و فەرمانگەکان.

لە بڕیارەکەدا هاتووە، نابێت لە هیچ فەرمانگەکەی حکومی رێگە لە بردنەژوورەوەی مۆبایل بگیرێت بەمەرجی ئەوەی لە کاتی راییکردنی مامەڵاکاندا مۆبایلەکەی بێدەنگ بکات.

لەساڵانی رابردوودا، بەهۆی مەترسی ئەمنییەوە بردنەژوورەوەی مۆبایل بۆناو فەرمانگەکانی کەرکوک قەدەغەکرابوو، بەهۆی چەند رووداوێکەوە کە روویاندا. لە سەرەتای مانگی دەی ئەمساڵیشدا عەبدوڵا میروەیس ئەندامی ئەنجوومەنی پارێزگا، نووسراوێکی بە ئیمزای سەرجەم ئەندامانی ئەنجوومەنەوە ئاڕاستەی سەرۆکی ئەنجوومەن کرد، تاوەکوو رێگە بە هاوڵاتییان بدرێت مۆبایل ببنە نێو فەرمانگەکانەوە.