ئەنجومەنی وەزیرانی عیراق لە دواكۆبوونەوەی خۆیدا بڕیاری داوە دەسەڵات بە وەزیری دارایی تەیف سامی بدات، بۆ ئیمزاکردنی رێککەوتنی وەرگرتنی قەرز لە بانكی هەناردە و هاوردەى ئەمریكی، بۆ جێبەجێکردنی پڕۆژەی ریسایکڵ بۆ بەرژەوەندی وەزارەتی کارەبا، كە بۆ وێستگەی غازی کەرکوک دابین دەكرێت.
بڕیارەكەی ئەنجومەنی وەزیران بە پشتبەستن بە یاسای بودجەی گشتیی فیدراڵی بۆ سێ ساڵ دراوە، بە تایبەتی ئەو ماددەیەی پەیوەستە بە بنەمای هاوكاریكردنی بواری وزە لە عێراقدا.
ئەو وێستگە غازییە دەكەوێتە ناحیەی تازە لە رێگای كەركوک – بەغدا و پێشتر لە لایەن كۆمپانیای سیمنسی ئەڵمانی دامەزرێندراوە, وێستگەكە 270 مێگاوات كارەبا بۆ كەركوك دابین دەكات.
Copyright © 2020 Kirkuk Tv All Rights Reserved Designed And Developed By AVESTA GROUP