موقتەدا سەدر: نابێت چەک لە دەستی گروپەکاندا بمێنێت

موقتەدا سەدر رێبەری رەوتی سەدر لەیادی دامەزراندنی سوپای عێراقدا، داوای كۆكردنەوەی چەک لە دەستی دەوڵەتدا دەكات و دەڵێت، هەزارجار نەخێر بۆ چەک لە دەست گروپە لاسار و لەدەست دەرچووەکان.
موقتەدا سەدر بەبۆنەی تێپەڕبوونی 104 ساڵ بەسەر دامەزراندنی سوپای عێراق لە ئێکس نوسینێکی بڵاوکردووەتەوەو دەڵێت: نەخێر و هەزارجار نەخێر بۆ چەكی دەرەوەی دەوڵەت و گروپە لاسار و لەدەست دەرچووەكان و ئەوانەی عێراقی پێدەخەنە مەترسییەوە.
سەدر لە نوسینەکەی پێداگریی لە كۆكردنەوەی چەک دەكات لە دەستی دەوڵەت و هێزە ئەمنییەكان، پیرۆزباییش لە تەواوی ئەندامانی سوپای عێراق دەکات بە تەواوی پێکهاتە و یەكەكانییەوە، هیواش دەخوازێت دڵ و دەروونیان جێگیربێت لەسەر خۆشەویستیی گەل و نیشتمان.