لیستی موچەی مانگی یەکی فەرمانبەرانی هەرێمی کوردستان رەوانەی گەنجینەکان دەکرێت

بۆ لیستی مووچەی مانگی یەک، هەر فەرمانبەرێکی هەرێمی کوردستان کۆدی  (UPN)ـی نەبێت ناوی ناخرێتە ناو لیستەکەوە.
ئێستا لە سلێمانی دەست بە ئامادەکردنی لیستی موچەی مانگی یەکی 2025 کراوە و بەپێی زانیارییەکان لیستی موچەی ئەم مانگە جیاوازە، چونکە لەگەڵ بەغداد هاوتاکراوە چەند زانیارییەکی وردی کەسی تێدایە.
ئەگەر هەر فەرمانبەرێکیش بۆ لیستی مووچەی مانگی یەک کۆدی (یو پی ئێن)ـی نەبێت، ناوی ناخرێتە نێو لیستی موچە.
تا ئێستا لە هەرێمی کوردستان لە کۆی 70 هەزار موچەخۆر، نزیکەی 20 هەزار موچەخۆر ماون کە مامەڵەی دەرهێنانی کۆدی (یو پی ئێن)ـیان نەکردووەو بڕیارە دوای ئامادەکردنی لیستی موچەی مانگی یەک، رۆژی 15ـی مانگ رەوانەی بەغدا بکرێت.