تیدرۆس ئەدهانۆم: جیهان بەتەواوی ئامادە نییە بۆ بەرەنگاربوونەوەی پەتایەکی دیکە

تیدرۆس ئەدهانۆم، سەرۆکی رێکخراوی تەندروستیی جیهانی، رایگەیاند، جیهان لە پەتای کۆرۆنا وانەی ئازاربەخشی وەرگرت، هەنگاوی گرنگیشی بۆ بەهێزکردنی بەرگریی خۆی نا، بەڵام ئەگەر پەتایەکی دیکە بێت، هێشتا خاڵی لاوازی بەرامبەری دەبێت و بەتەواوەتی ئامادە نییە بۆ رووبەڕووبوونەوەی.
رێکخراوەکە هەوڵەکانی چڕکردوونەتەوە تاوەکو بزانێت هەڕەشەی داهاتوو لە کوێوە دێت و زەوی تا چەند ئامادەیە بۆ رووبەڕووبوونەوەی پەتایەکی هاوشێوەی کۆرۆنا، هەرچەندە دەشڵێت، ئێستا بەراورد بە کاتی کۆرۆنا، جیهان زیاتر ئامادەیی تێدایە، بەڵام هۆشداری ئەوەش دەدات، ئەم ئامادەییە بەشی پێویست نییە.