تارمایی ئەلۆنسۆ واز لە ئەنچیلۆتى واهێنێت!

تارمایی ئەلۆنسۆ واز لە ئەنچیلۆتى واهێنێت!
ئاکۆ بیبانى


کارلۆ ئەنچیلۆتى ئیتاڵى و راهێنەرى یانەى ریاڵ مەدرید لە دۆخێکى قورس و دژواردایە ، دڵەڕاوکێ و قەلەقی هەیە ، کورسییەکەى لەمەترسیدایە ، سێبەرى چاپی ئەلۆنسۆ هەمیشە بە دواوەیەتى ! هەڕەشى دوورخستنەوەى لێ دەکرێت ، ئەنجامە شەرمهێنەکەى کلاسیکۆى  جەدە دەخرێتە پاڵ کارلۆ و بەهۆکارى ئەو دۆڕاندنە دەزانرێت .
کارلۆ ئەنچیلۆتى ئیتاڵى یەکێکە لە راهێنەرە زیرەک و بزێوەکانى جیهان و لە سێ دەیەى رابردوو لەگەڵ (  بێرلۆسکۆنی و ئەبرامۆڤیچ و دی لۆرانتیس و خلێفی و فلۆرێنتینۆ پیرێز ) کارى کردوە و چارەسەرى ترس و دڵەڕاوکێکانى کردوە هیچ کاتێک هێندەى ئێستا دەستەو وەسان نەبووە ، لەسەرەتاى وەرزەوە دۆخی یانەکە خراپە و کارلۆى 65 ساڵ نەیتوانیوە کۆدى نهێنى سەرکەوتنەکان بدۆزێتەوە ، سەرەتا شکستەکانى لە خولى یانەکانى ئیسپانیاوە دەستیپێکرد ، دۆڕان لە کلاسیکۆى یەکەم بە ئەنجامىێکى گەورەو بە چوار گۆڵى بێ وەڵام ، زەنگى مەترسی بۆ کارلۆ لێدرا ، پاشانە زنجیرە شکستەکان  لە خولى یانە پاڵەوانەکان  ئەوروپاوە درێژەى هەبوو  ، کارەسات بەرامبەر بە میلان و شکست بەرامبەر بە لیفەرپول ، پاشان لە خولى یانەکانى ئیسپانیاش شکست بە رامبەر بە یانەى بلباو توشى شکست هاتەوە ! لەو کاتە دا کە بە دواین ساتەکانى راهێنەرەکە دادەنرا بەرامبەر بە گیرۆنا متمانەى بەدەستهێنایەوەو خۆى رزگارکرد ، ئەوەى هێندەى تر ئازارەکانى قوڵترکردەوە ، شکستەکەى ریاڵ مەدرید بوو لە کلاسیکۆى جەدە کەبە ئەنجامی 5 گۆڵ بەرامبەر بە دوو گۆڵ دۆڕان .
ئێستا دۆخێک دروست بووە بە تایبەت ئەگەر ریاڵ مەدرید لە چامپیۆنزلیگ نەتوانێت بگات بە قۆناغى 32 ئەوا پێش مانگى شەش ئەنچیلۆتى دوردەخرێتەوەو سۆلارى تیپەکە بەڕێوەدەبات ، دواتر قەڵاى سپى هانا دەبات بۆ تارماییەکەى ئەنچیلۆتى کە وەک سێبەرێک هەمیشە لەسەر سەرى وەستاوە ئەویش چاپی ئەلۆنسۆیە .
کارلۆ لە مێژووى راهێنەرایەتى یانەى ریاڵ مەدرید زۆرى بەخشیوە بە قەڵاى سپى و 15 نازناوى بۆ بەدەستهێناوە بەڵام ئیدارەى یانەکە هەمیشە داوای پارێزگاریکردن لە لوتکە دەکات و چاوى لە ئەنجامى گەورەیە .
کارلۆ بەیەک دێر وەڵامى رەخنە و رۆژنامەنوسان دەداتەوەو دەلێت : نە باشترینم نە داماوترین .