دوایین ئاماری کوژراو و بریندارەکانی غه‌ززه‌ بڵاوكرایه‌وه‌

به‌پێی دوایین ئاماری وەزارەتی تەندروستیی غەززە بەهۆی هێرشه‌كانی ئیسرائیل بۆسه‌ر شاره‌كه‌ گه‌یشتووه‌ته‌ زیاتر له‌ 46 هەزار و 900 کوژراو و نزیكه‌ی 111 هه‌زار كه‌سش بریندار بوون. 

وەزارەتی تەندروستیی غەززە له‌ راگه‌یه‌ندراوێكدا ئاماژه‌ی بۆئه‌وه‌كردووه‌ كه‌:" لە 24 سه‌عاتی رابردوودا بەهۆی بۆردوومانەکانی ئیسرائیلەوە 14 کەس کوژراون و 25 کەسیش برینداربوون."

راشیگەیاندووە:"لە سەرەتای دەستپێکردنی شەڕی غەززەوە تاوەکو ئێستا، 46 هەزار و 913 کەس کوژراون و 110 هەزار و 750 کەسیش برینداربوون."

باسی له‌وه‌شكردووه‌ كه‌:"تائێستا تیمه‌كانی فریاكه‌وتن نه‌گه‌یشتوونه‌ته‌ ژماره‌یه‌ك قوربانی له‌ژێر داروپه‌ردووی بینا داڕوخاوه‌كان و سه‌ر رێگاكان "

ئه‌مه‌ له‌كاتێكدا ئەمڕۆ یەکشەممە 19ی كانونی دووه‌می 2025 ئاگربەستی نێوان حه‌ماس و ئیسرائیل چووه‌ بواری جێبەجێکردنەوە كه‌ رۆژی 15ـی ئەم مانگە راگه‌یه‌ندرابو. 

بڕیارشە لە قۆناغی یەکەمی ئاگربەستەکەدا کە 42 رۆژ دەخایەنێت، 33 بارمتەی ئیسرائیلی بەرامبەر بە زیاتر لە 700 زیندانی فەڵەستینی ئازادبکرێن.