رەفعەت عەبدوڵا لەگەڵ گروپی (محاورون من اجل القضیە)دا كۆبووە

گەیاندنی دەنگی كوردو دیدی یەكێتی لە میدیا عەرەبیەكانی عێراق و ولاتانی ناوچەكەدا، رۆڵێكی گرنگی لەپتەوكردنی  پەیوەندیەكانی نێوان كوردو عەرەبدا هەیە

ئەمڕۆ رەفعەت عەبدوڵا ئەندامی مەكتەبی سیاسی لە سلێمانی ، لەگەڵ گروپی (محاورون من اجل القضیە)دا كۆبووە

لەكۆبوونەوەكەدا رەفعەت عەبدوڵا رۆڵی گروپەكەی بەرز نرخاند كە لێبڕاوانە وێڕای ئەركەكانیان لە دەزگاو دامەزراوەكانی تردا، بەخۆبەخشی ئەم گروپەیان پێكهێنانەوە بۆ گەیاندنی دەنگی كورد و دیدی  یەكێتیی نیشتمانیی كوردستان لەسەر مەسەلە نیشتمانی و نەتەوەییەكان  بەكەناڵ و دەزگا  میدیاییە عەرەبیەكانی عێراق و وڵاتانی تر، هەروەها دەستخۆشی  ئەم هەوڵەی كردن كە توانیویانە پردێكی باشی پەیوەندی دروست بكەن و هانیدان گەشە بە کارەکانیان بدەن 

هاوكات لە كۆبوونەوەكەدا کە  ستران عەبدوڵا ئەندامی سەرکردایەتی ئامادەی بوو  گفتوگۆكرا لەسەر كارەكانی گروپەكەو چۆنێتی باشتر گەیاندنی رای یەكێتی و كوردیی بە شەقامی عەرەبی و نەتەوەكانی تر لە عێراق و وڵاتانی عەرەبی. 

رەفعەت عەبدوڵا پشتیوانی بۆ كارەكانی گروپەکە دەربڕی و هیوای بەردەوامی بۆ خواستن لەو رۆڵە سەنگینەی  لەئەستۆیان گرتوە.