سیانەى ترسناکى MVBنەیتوانیوە رۆلى رۆدریگۆ کەمبکاتەوە

سیانەى ترسناکى  MVBنەیتوانیوە رۆلى رۆدریگۆ کەمبکاتەوە
ئاکۆ بیبانى

لەگەڵ هاتنى مپاپێ و دروست بوونى سیانەى ترسناکى (    (   mvbهێدى هێدى رۆلى رۆدیگۆى بەرازیلى و یاریزانى باڵى یانەى ریاڵ مەدرید کەمتربوەوەو توناکانى ئەو ئەستێرە بەرازیلیە شاردرایەوەو بە دروست بوونى ئەو سیانە ترسناکە چاوەڕوانى پاشەکشەى گەورە لە تواناکانى رۆدریگۆ دەکرا ، بەو پێیەى فۆکسى راهێنەر و ئیدارەو میدیاش لەسەر هەر سێ یاریزان ( مپاپێ و فینیسۆس و بيلينگهام ) بوو ، چیتر رۆدریگۆ ئەو یاریزانە بەنازەى ئەنچیلۆتى نەبوو کە دەستبردن بۆى هێڵى سوربوو ، ئەمە وایکرد رۆدریگۆ هەست بە پەراوێزخستن بکات ، رۆدریگۆ شێوازێکى تایبەتى ئاهەنگ گێڕان پەیڕەو دەکات ، لە کاتى تۆمارکردنى هەر گۆڵێکدا هێرشبەرە بەرازیلیەکە بە دەستەکانى  دەم و چاوى دەشارێتەوە وەک ئەوەى بە زمانى جەستە گلەیی بکات و بڵێت : ئەرێ بۆ تواناکانم نابینن ، بۆ هەست بە ووزە شاراوەکانم ناکەن ! تاکەى لە هێز و جوڵەکانم تێناگەن!
رۆدریگۆ تاڕادەیەک گۆشەگیرکرا ، یاریزانەکەش ناچار بوو بە پێشکەش کردنى ئاستێکى ناوازە بوونى خۆى بسەلمێنێت و جیاواز دەربکەوێت ، ئێستا لە هەموو کات زیاتر درک بە توانا و لێهاتووى یاریزانە بەرازیلیەکە دەکرێت ، لە پشتى هەموو سەرکەوتنەکانەوەیە ، سەربازى وونى نمایشەکانى یانەى ریاڵ مەدریدە .
لە دە یاری ڕابردوودا رۆدریگۆ هەشت گۆڵى تۆمارکردوە و سێ ئەسیستى بۆ هاوڕێکانى کردوە ، واتە لە 10 یارى رابردوو لەسەرجەم خول و پاڵەوانێتیەکان بەشدارى لە یانزە گۆڵدا کردوە .
شەوى رابردوو رۆدیگۆ لەگەڵ ریاڵ مەدرید درەوشایەوەو دوو گۆڵى بۆ یانەکەى تۆمارکردو ئاستێکى بەرزیشى پێشکەش کرد ، ئەمەش وادەکات کارلۆ لە جاران زیاتر پەى بە توانا شاراوەکانى رۆدیگۆ ببات و پێگەى شیاوى لە ریاڵ مەدرید بۆ دابنرێت و وەک ئەستێرەیەکى کاریگەر و پڕ جوڵە تەماشابکرێت .
ئێستا رۆدریگۆ پەیوەندیەکى پتەوى لەگەڵ کیلیان ئمپاپێ هەیە ، لەگەڵ تۆمارکردنى گۆڵەکانى فینی و بیلنگهامیش باوەشى خۆشەویستى و سۆزى بۆ دەکەنەوە .