ژمارەیەک بۆمبی نەتەقیو لە گۆڕەپانێکی یاریکردنی منداڵان لە بەریتانیا دۆزرایەوە

بەپێی هەواڵێکی ماڵپەری بی بی سی بەریتانی، نزیکەی 200بۆمبی نەتەقیوی سەردەمی جەنگی جیهانی دووەم لە گۆڕەپانێکی یاریکردنی منداڵاندان دۆزراوەتەوە.
بی بی سی  ئاماژەی بەوەشکردووە: بۆمبە نەتەقیوەکان  مێژووەکەیان  بۆ سەردەمی  جەنگی جیهانی دووەم دەگەڕێتەوە لە ژێر گۆڕەپانێکی یاری منداڵان لە باکووری ئینگلتەرا دۆزراونەتەوە.
باس لەوەشکراوە:  پێدەچێت ناوچەکە وەک شوێنی راهێنانی پاسەوانی ناوخۆ بەکارهاتبێت و تەقەمەنییەکە لە کۆتایی جەنگی جیهانی دووەم لە ساڵی 1945دا شاردرابێتەوە.
ئەنجومەنی شارەکە، رایگەیاندووە، " بیرکردنەوە لەوەی منداڵەکانمان لەو باخچەیەدا یارییان کردووە، ترسناکە"
لە ئێستادا ئەو پارکە بەشێکی زۆری پاککراوەتەوە، چونکە  ئەگەری زۆر  هەیە بۆمبی تریشی  تێدابێت.