ئەمڕۆ 61هەمین کۆنفرانسی ئاسایشی میونشن بەڕێوەدەچێت

ئەمڕۆ 61مین کۆنفرانسی ئاسایشی میونشن دەستپێدەکات و تا 16ی مانگ، بەردەوام دەبێت و سەرۆک بافڵ جەلال تاڵەبانیش بانگهێشتی کۆنفرانسەکە کراوە.
جارێکی دیکە کۆنفرانسەکە دەبێتە سەکۆیەکی دیار بۆ مشتومڕی ئاست بەرز لەسەر گەورەترین ئاڵنگارییەکانی سیاسەتی دەرەوە و ئەمنی سەردەمی.
بڕیارە لە سەردانەکەیدا سەرۆک بافڵ چەندین کۆبوونەوە و دیداری سیاسی و دیپلۆماسی لەسەر ئاستی بەرپرسانی باڵای وڵاتان و سەرکردەی سیاسی، سەربازی، ئەمنی و ئابووری هەبێت.
بەرنامەی سەرەکی کۆنفرانسەکە بە گرنگیدان بە ئاڵەنگاری ئەمنی جیهانی وەک حوکمڕانی جیهانی، خۆڕاگری دیموکراسی و ئاسایشی کەشوهەوا دەست پێدەکات. ڕۆژی شەممە، گفتوگۆ لەسەر دۆخی نەزمی نێودەوڵەتی و ململانێ و قەیرانە ناوچەییەکان لە بەرنامەی کاردایە. یەکشەممەش کۆنفرانسەکە بە گفتوگۆکردن لەسەر ڕۆڵی ئەوروپا لە جیهاندا کۆتایی دێت.
ساڵانی پێشوو، کۆنفرانسی ئاسایشی میوشن لە سێ بەش پێکدێت: جگە لەو بەرنامە سەرەکییەی لەلایەن کۆنفراسەکەوە بەڕێوەدەبرێت، نزیکەی 200 بۆنەی لاوەکی رەسمی و دەیان بۆنەی گشتی دەبێت.