كۆمیسیۆنی ڕاگەیاندن و گەیاندنی عێراق به نووسراوێك كه ئاراستهی لیژنهی دهستپاكی ئهنجومهنی نوێنهرانی كردووه، جهخت دهكاتهوه كه تهنها كۆمپانیای كۆڕهك قهرزهكانی نهداوهتهوه، بهڵكو ههردوو كۆمپانیای ئاسیا سێل و ئهلئهسیر هەمو ئهو بە بڕە پارە و قەرزانەیان داوەتەوە كە له ئهستۆیان بوە، بەڵام كۆمپانیای کۆڕەک كه بڕی زیاتر 957 ملیۆن دۆلاری ئەمریکی و زیاتر لە 226 ملیار دیناری عێراقی دیكەش قەرزارە نهیداوهتهوه.
بەگوێرەی نوسراوێكه كه ژمارە (3084)یهو ئیمزای محەمەد عەبدوڵا عەبدولئەمیر، سەرۆكی دەستەی كارگێڕێ لەسەره، دوێنێ پێنجشەممە بۆ هەریەكە لە ئەنجومەنی نوێنەران و دەستەی نەزاهەی عێراقی ناردووە و تێدا هاتووە، "هەر یەكە لە كۆمپانیاكانی ئاسیاسێڵ و الاپیر تا ڕۆژی 31ـ ی كانونی یەكەمێ ساڵی ڕابردوو هەموو ئهو بڕە پارە و قەرزانەیان داوەتەوە كە له ئهستۆیان بووە".
روونشیكردووهتهوه كه: "کۆمپانیای کۆڕەک بڕی 957 ملیۆن و 108 هەزار و 724 دۆلاری ئەمریکی و 226 ملیار و 568 ملیۆن و 444 هەزارو 234 دیناری عێراقی دیكەش قەرزارە، كۆمسیۆنه سوورە لەسەر ئەوەی دەبێت سەرجەم ئەو بڕە پارانە بداتهوه كە قەرزن لهسهری."
دووپاتشیكردووهتهوهك كه: " بەردەوامن لە گرتنهبهری ڕێکاری یاسایی دژی کۆمپانیاکە بۆ پاراستنی پارەی گشتیی، هەروەها گرێبەستی كۆمپانیاكەش لە ڕۆژی 30ـی ئابـی 2022 بەسەرچووە".
ئەوە لەكاتێكدایە ڕۆژی 18ی ئەم مانگە دەستەی ڕاگەیاند و پەیوەندییەكانی عێراق، لە ڕاگەیەندراوێكدا بڵاویكردەوە، دەستەكەیان بڕیاریدا ڕێکاری سزایی بەرامبەر کۆمپانیای کۆرەک تیلیکۆم بگرێتەبەر، کە ئەویش بە داخستنی دەستبەجێی خزمەتگوزاری ئینتەرنێتی كۆمپانیاكە، بەهۆی پێنەدانەوەی ئەو قەرزانەی كە لەسەری بوە و بەردەوامی سەرپێچییەکانی.
له بهرامبهر ئهو رێكارانهی دهستهی گهیاندن، مازن سیروان بارزانی، بەڕێوەبەری بە بازاڕكردنی كۆمپانیای كۆڕەك تیلیكۆم لە چاوپێكەوتنێكی ڕۆژنامەوانیدا ڕایگەیاندبوو: "ئێستا بەهەمووی ئەوەی سەپاندویانە بەسەر كۆڕەكدا ملیارێك و 200 ملیۆن دۆلارە، ئەوە سەپێندراوە بەسەریاندا نابێت كۆڕەك بیدات، بەڵكو كۆڕەك دەبێت داوای قەرەبوو بكات"
دەشڵێت، "هەمو ساڵێك باجیان داوە تەنیا لە دوو ساڵی رابردو نەبێت، هەمو بانكێكیان بەسەر كۆڕەكدا داخستووە، ئیتر كۆڕەك چۆن پارە بدات، هەرچەندە ئهوان رهزامهند بوونه پارەكە بدەن، بەڵام بەو مەرجەی بۆ چەند ساڵێك دوابخرێت".
به وتهی مازن سیروان بارزانی "كێشەكە، كێشەیەكی سیاسییەو دژی كوردە، دژی ئەوەیە كە كۆمپانیایەكی كوردییە، کێشەی کۆڕەکش لەگەڵ قەزیەی کوردە، تا قەزیەی کورد چارەسەر نەکرێت، کێشەی کۆڕەکیش چارەسەر نابێت"
Copyright © 2020 Kirkuk Tv All Rights Reserved Designed And Developed By AVESTA GROUP