وەزارەتی نەوتی عێراق لە لێدوانێكی رۆژنامەوانیدا داوا لە وەزارەتی سامانە سروشتییەکانی هەرێم و کۆمپانیا بیانییە نێودەوڵەتییەکانی ژێرچەتری (APICOR)دهكات كه گرێبەستیان لەگەڵ حکومەتی هەرێمی کوردستان هەیە بۆ پەرەپێدانی کێڵگەکانی هەرێم، ڕۆژی سێشەممە 3/4/2025 لە بەغدا ئامادەبن، بەمەبەستی گفتوگۆکردن لەسەر بابەتەکانی پەیوەست بەو گرێبەستانەی ئەنجامدراون، به مهبهستی لێکتێگەیشتن و پەرەپێدانی کێڵگە نەوتییەکان بە باشترین شێوازی جیهانی، بەشێوەیەک خزمەت بە بەرژەوەندی نیشتمانی بكات.
لێدوانەكەی وەزارەتی نەوتی عێراق دوای ئەوە دێت، دوێنێ هەینی كۆمەڵەی پیشەسازی نەوتی كوردستان رونكردنەوەیەكی بڵاوكردەوەو تیایدا رایگەیاند: وەكو ئەوەی چەندین جار رونمانكردوەتەوە، كۆمپانیاكانی ئەندامی ئەپیكور ئامادەن بۆ دەستپێكردنەوەی هەناردەی نەوتی هەرێمی كوردستان ئەگەر هاتوو رێككەوتنی رهسمی كرا بۆ گەرەنتیكردنی پێدانی پارەی هەناردەی پێشوو و ئایندەی نەوت، بەوجۆرەی كە هاوتایە لەگەڵ مەرجە یاسایی و بازرگانییەكانی گرێبەستەكانی ئێستاماندا، تائێستا هیچ رێككەوتنێك لەبارەی مەرجە یاسایی و بارزگانییەكانی گرێبەستەكانمان نییە، بۆیە كۆمپانیاكانی ئەپیكور هیچ رێككەوتنێكیان نییە بۆ ئەوەی ئەمرۆ هەناردەی نەوت دەستپێبكاتەوە.
Copyright © 2020 Kirkuk Tv All Rights Reserved Designed And Developed By AVESTA GROUP