شارەزایانى ناوبژیوانى : گۆڵەکەى دیاز بەهۆى فینیسۆسەوە ئۆفساید بوو

شارەزایانى ناوبژیوانى : گۆڵەکەى دیاز بەهۆى فینیسۆسەوە ئۆفساید بوو
ئاکۆ بیبانى

جوڵە سەرنج راکێشەکەى برایم دیازى مەغریبى و بڕینى یاریزانى ئەتلەتیکۆ مەدرید بەتەواوى حاڵەتى ئۆفسایدى فینیسۆس جۆنیۆرى شاردەوەو تەنانەت داوەرانى یارییەکە و ڤاریش هیچ گومانێکیان لە ئۆفسایدبوونى گۆڵەکە نەبوو ، فۆکسى هەموان لەسەر جوڵە نایابەکەى یاریزانەکەى ریاڵ مەدرید بوو چۆن بەنێو یاریزانانى ئەتلەتیکۆ تێپەڕی و تۆپەکەى ئاراستەى لای چەپی ئۆبلاک کردو بەتەواوى هاوسەنگى یارییەکەى تێکدا و گۆڵى دووەمى یارییەکەى لێ تۆمارکرا .
 دواتر کاتێک بە هێمنى و بە ووردى سەیرى حاڵەتەکە کرا ، گومانەکان دروست بوون ، بەشێک لە شارەزایانى کارى داوەرى پێیان وایە حاڵەتەکە ڕوونە و دەبوو ئۆفساید لە دژى فینیسۆس جۆنیۆر  هەژماربکرێت .
پێدرۆ مارتین شارەزای ناوبژیوانی ئێل پارتیدازۆ باسی ئۆفساید دەکات،
ئەو شرۆڤەکارە لە دوای یارییەکە وتی : ئۆفساید هەیە، چونکە ڤینى  لە دۆخی ئۆفسایدایە، بەڵام کاریگەری لەسەر یارییەکە نییە.
یەکێکی دیکە لەو شارەزایانەی ناوبژیوانی کە بەردەوام لە میدیاکاندا دەردەکەوێت، پاڤێل فێرناندێزە لە ڕادیۆی مارکا ، پێی وایە هێرشبەرە بەڕازیلییەکە لە دۆخی ئۆفسایددا بووە ،  ڤینیسیۆس ئۆفسایدە مەتر و نیوێک لە ئۆبلاکەوە دوورە، گۆڵپارێزی ئەتلەتیکۆ  ناتوانێت لێدانەکە ببینێت، چونکە یاریزانە بەڕازیلییەکە لەبەردەمیدایە، هیچ گومانێکم نییە، ئەوە خەتای ناوبژیوان نییە، کێشەکە ئەوەیە کە لە ڤارەوە ئاگادار نەکراوەتەوە .
لەنێو ئەو کەسانەی کە بەڕوونی باس لەوە دەکەن کە گۆڵەکە یاساییە ئیتورالدی گۆنزالێز ناوبژیوانی پێشووی نێودەوڵەتی و شرۆڤەکاری ڕۆژنامەی ئێل لارگوێرۆیە . ناوبژیوانەکە دەڵێت : ڤینیسیۆس ڕادەکاتە ئەو شوێنەی کە تۆپەکە بەرەو ئاراستەى ناروات بۆیە هیچ کاریگەرییەکى لەسەر گۆڵەکە نەبووە .
یاساکە دەلێت ، لە دوو حاڵەتەتدا ئۆفسایدا هەژمار دەکرێت ، کاتێک یاریزانەکە پێ لە تۆپەکە بدات و جوڵە بەتۆپ بکات ، یان رێگرى بکات لە تیپى بەرامبەر کە بەهۆى ئەوەوە کێشەى بینین دروست بێت .