ساڵ بە ساڵ لە کەرکوک نەخۆشی شێرپەنجە زیاتر دەبێت

بەپێی ئاماری تەندرووستی پارێزگاکە،  ساڵ بە ساڵ لە کەرکوک نەخۆشی شێرپەنجە زیاتر دەبێت.
ئامارەکان دەریدەخەن لە ساڵی 2023دا، ژمارەی تووشبوانی بە نەخۆشی شێرپەنجە لە کەرکوک، دوو هەزار و (904) حاڵەت بووە، لە ساڵی 2024یش دوو هەزار و (21) حاڵەت بووە. هەر بەپێی ئامارەکان کۆی گشتی ئەو نەخۆشانە کە تا ئێستا  لە ژێر چاودێریی پزیشکیدان و ڕۆژانە چارەسەر وەردەگرن، ژمارەیان (4)هەزار و (925) کەسە.
ئاماری ڕێکخراوە تەندروستییەکانی چالاک لە بواری چارەسەری نەخۆشی شێرپەنجە لە کەرکوک دەریدەخەن، لە ماوەی (5)ساڵی ڕابردوودا، ڕێژەی شێرپەنجە لە پارێزگای کەرکوک گەیشتووەتە (9) هەزار تووشبوو.
پزیشکان، خراپی ژینگە و جۆری کوالێتی بەرهەمە خۆراکییەکان بە هۆکاری زیاتر بڵاوبوونەوەی نەخۆشی شێرپەنجە دەزانن.