پۆلیسی کەرکوک رایده‌گه‌یه‌نێت، تەقەکارانی رووداوه‌كه‌ی شه‌وی رابردووی گوندی قه‌ره‌ته‌په دەستگیرکراون و ده‌ستیش بەسەر چەکانیاندا گیراوه.
لە ڕاگەیاندراوێكدا بەڕێوەبەرایەتیی پۆلیسی کەرکوک ئاشكرایكرد:" توانیویانە سەرجەم تۆمەتبارانی شەڕەکەی شه‌وی رابردووی گوندی قەرەتەپە دەستگیربکەن، کە شەش هاوڵاتی کوژران و سێی دیکەش برینداربون".
ئاماژەی بۆئەوەشكردوە:" دەستیان بەسەر ئەو چەکانەشدا گرتوە، کە تاوانەکەی پێ ئەنجامدراوە و تۆمەتباران بە ماددەی 406ی کوشتنی بە ئەنقەست بەندکراون."
درەنگانی شەوی رابردوو پێکدادانی چەکداریی لەنێوان دو بنەماڵەی گەورەدا لە گوندی قەرەتەپەی سه‌ربه ناحیەی یایجی لە کەرکوک ڕویدا و قوربانی لێکەوتەوە.
Copyright © 2020 Kirkuk Tv All Rights Reserved Designed And Developed By AVESTA GROUP