ئەوروپا مافی پەنابەرێتی لەسەر هاوڵاتیانی هەشت وڵات قورس دەکات

ئەوروپا مافی پەنابەرێتی لەسەر هاوڵاتیانی هەشت وڵات قورس دەکات و دەڵێت: ئەو وڵاتانە سەقامگیرن و پارێزراون و هاوڵاتیانەکەی مەترسیان لەسەر نیە تا جێی بهێڵن و ڕوو لە ئەوروپا بکەن.
ماگنوس بروننەر، لێپرسراوی كۆچبەران لە یەكێتی ئەوروپا رایگەیاند: كۆمیسیۆنی ئەوروپا هەشت وڵاتی خستوەتە لیستی ئەو وڵاتانەی كە پێویستە وەك وڵاتێكی سەقامگیر و پارێزراوبونی ئاسایشی دانیشتون مامەڵە لەگەڵ هاوڵاتییەكانیان لە وڵاتانی ئەوروپا بكرێت، چونکە هیچ مەرسییەکیان لەسەر نیە تاوەکو هاوڵاتیانەکەی وڵاتەکانیان جێبێڵن و روو لە ئەوروپابکەن.
وتیشی: لە ماوەی رابردودا كۆچبەرانی وڵاتانی میسر و هندستان و بەنگلادیش ، مەغریب  و تونس، كۆسۆڤۆ و كۆڵۆمبیا- زۆرترین داواكاریان بۆ مافی پەنابەرێتی لە ئەوروپا پێشكەش كردوە لە كاتێكدا ئەو وڵاتانە لەروی ئاسایش و سەقامگیرییەوە پارێزراون، بەمەش لەمەو بەدوا مافی پەنابەرێتی بە هاوڵاتییانی ئەو وڵاتانە قورس دەکرێت.
لە ماوەی رابردودا هەڵمەتێكی رەتكردنەوەی مافی پەنابەرێتی و گەڕانەوەی زۆرەملێی كۆچبەران لە ئەوروپا دەستی پێكردوەو هەڵمەتەكەش ژمارەیەك لە پەنابەرانی هەرێمی كوردستان و عیراقی گرتوەتەوە.