بەرەبەیانى ئەمڕۆ بە درۆن هێرشکرایە سەر پێنج پێگەی سەربازی لە عێراق

بەرەبەیانی ئەمڕۆ هێرش کرایە سەر پێنج شوێنی سەربازی لە بەغدا، سەلاحەدین، ئەنبار و ناسڕیە. 

 بەرەبەیانی ئەمڕۆ لە سەرتاسەری عێراق پێنج شوێن کراونەتە ئامانج، سەربازگەی عەین ئەسەد لە ئەنبار، سەربازگەی تاجی لە بەغدا، سەربازگەی ڤیکتۆریا لەنێو فڕۆکەخانەی نێودەوڵەتیی بەغدا، سەربازگەی ئیمام عەلی لە ناسڕیە و سەربازگەی بەلەد لە سەلاحەدین. 

 یەکەم هێرش کرایە سەر سەربازگەی تاجی لە بەغدا ، وەلید تەمیمی، فەرماندەی ئۆپەراسیۆنەکانی بەغدا رایگەیاند: "فڕۆکەیەکی بێفڕۆکەوانی نەناسراو شوێنێکی لە نێو سەربازگەی تاجی پێکاوە و هیچ زیانکی گیانی نەبووە."

 تاجی، سەربازگەی سوپای عێراقە و بنکەی ئاسمانیشی لێیە، بەپێیى زانیاریەکان بەرەبەیانى ئەمڕۆ دەنگی سێ تەقینەوە لە سەربازگەکە بیستراوە." 

 ئەو شوێنانەی کە بە فەرمی سەربازی ئەمریکای لێیە، بنکەی عەین ئەسەد و بنکەی ڤیکتۆریان.  دەوترێت سەرجەم هێرشەکان بە درۆن ئەنجامدراون.