خالید شیمال وتەبێژی وەزارەتی سەرچاوەکانی ئاوی عیراق رایگەیاند: بەردانەوەی ئاوی دیجلە لەلایەن تورکیاوە بۆ عیراق دەستیپێکردووە، بەڵام هێشتا کاریگەرییەکەی دیار نییە، چونکە خێرایی ئاوەکە 50 بۆ 60 کیلۆمەترە لە سەعاتێکدا.
باسیلەوەشکرد: ئێستا بڕی بەردانەوەکە نزیکەی 200 مەتر سێجایە لە چرکەیەکدا و بڕیارە لە رۆژانی ئاییندەدا بۆ 420 مەتر سێجا بەرزبکرێتەوە .
ئاماژەی بەوەشکرد: ئەم بڕە زیادەیەی بەردانەوەی ئاوی دیجلە بەکاردەهێنن بۆ زیادکردنی یەدەگی ئاو لە بەنداوەکانی موسڵ و حەدیسە، هەروەها بۆ ئەوەی ئاوی پێویست بگاتە پارێزگاکانی ناوەڕاست و خوارووی عیراق.
ئەوەشیخستەڕوو: زیاتر لە 70٪ی سەرچاوەکانی ئاوی عیراق لە دەرەوەی وڵاتەکەیە و حکومەت هەمیشە لەسەر هێڵە و هاوئاهەنگە لەگەڵ وڵاتانی دراوسێ، بۆ ئەوەی بەشە ئاوی خۆی بەشێوەیەکی دادپەروەرانە و پێویست پێبگات .
Copyright © 2020 Kirkuk Tv All Rights Reserved Designed And Developed By AVESTA GROUP