بەمیوانداری بافڵ تاڵەبانی هاوسەرۆكی (ی.ن.ك)، وەفدێكی یەكێتیی و بزوتنەوەی گۆڕان لە دەباشان بۆ تاووتوێكردنی چەند پرسێكی تایبەت بەكاروباری حكومەتی هەرێم و حكومەتی خۆجێی سلێمانی كۆبونەوە.
هەردوولا هاوڕابون كە كێشە هەنوكەییەكانی ئەمڕۆی كوردستان و ژیان و گوزەرانی هاووڵاتیان پێویستی بەهەماهەنگی زیاتری هەردوولا هەیەو پێویستە هەنگاوی جدی و عەمەلی بنرێ بۆ چارەسەركردنی گرفتەكان.
هەروەها باس لەدوا پێشهات و گۆڕانكارییەكانی عیراق كرا و لەسەر بنەمای رەوشی هەنوكەیی پلانی داهاتوو بۆ پتەوكردن و رێكخستنەوەی كارو ئەجێندای یەكێتی و گۆڕان گفتوگۆی لەبارەوەكرا.
هەروەها باسیش لەڕێكەوتنی یەكێتی و گۆڕان كراو چۆنێتی جێبەجێكردنی ئەو خاڵانەی كەماون و پێویستە جێبەجێ بكرێن و پەیوەستن بەدامودەزگاكانی حكومەت، هاوكات پێشنیاریش كرا كۆبوونەوەكان بەردەوامییان هەبێت بۆ سەرخستنی تەواوی رێكەوتنەكەی نێوان یەكێتی و گۆڕان كە ئەمەش رەنگدانەوەی باشی دەبێت لەسەر هاوپەیمانێتی كوردستان و چۆنێتی چوونە نێو هەڵبژاردنی داهاتووی ئەنجومەنی نوێنەرانی عیراق.
Copyright © 2020 Kirkuk Tv All Rights Reserved Designed And Developed By AVESTA GROUP