لەچەمچەماڵ پێنج تۆمەتبار دەستگیركران كە لەناوچەی
پیشەسازی و چەند شوێنێكی دیكە كەلوپەلی ئۆتۆمبێلیان دزیوە.
بەڕێوەبەرایەتی پۆلیسی پارێزگای سلێمانی لە راگەیەنراوێكیدا
ئاماژەی بۆئەوەكردوە: پاش ئەوەی ژمارەیەك ھاووڵاتی لەبەشی پۆلیسی چەمچەماڵ سكاڵایان
تۆماركرد كە لەناوچەی پیشەسازی و چەند شوێنێكی دیكە كەلوپەلی ئۆتۆمبێلیان لێ دزراوە،
دەستبەجێ ھێزەكانی پۆلیس لێكۆڵینەوەو بەدواداچونەكانیان دەستپێكرد بۆ دۆزینەوەو دەستگیركردنی
تۆمەتباران.
رونیشیكردوەتەوە: دوای وەرگرتنی بڕیاری دادوەر،
توانرا شەوی رابردوو 5 تۆمەتبار لەلایەن مەفرەزەكانی نوسینگەی نەھێشتنی تاوانی چەمچەماڵەوە
دەستگیربكرێن.
پۆلیسی سلێمانی دەشڵێت: ھەریەك لەتۆمەتباران
(أ.گ.ن، م.ر.ع، ب.ع.غ، س.ف.و، أ.ر.ع) لەبەردەم دادوەردا دانیان بەتاوانەكەیاندا
ناوەو لەئێستادا بەپێی ماددەی ٤٤٣ لەیاسای سزادان راگیراون و لێكۆڵینەوەكان بەردەوامن.
Copyright © 2020 Kirkuk Tv All Rights Reserved Designed And Developed By AVESTA GROUP