رێكخراوی ئۆپیك ئاشكرایكرد ، لە مانگی ئەیلولدا سێ وڵات ئاستی بەرهەمهێنانی نەوتیان تارادەیەكی زۆر زیادكردوە و یەكێك لەو وڵاتانەش عێراقە.
رێكخراوەكە، رایگەیاندوە: لە مانگی رابردوودا ئاستی بەرهەمهێنانی نەوتی وڵاتانی ئەندام رۆژانە نزیكەی ٤٨٦ هەزار بەرمیل زیادیكردوە و ئاستی بەرهەمهێنان گەیشتوەتە ٢٧ ملیۆن و ٣٢٨ هەزار بەرمیل نەوت لە رۆژێكدا، هەریەك لە عێراق و سعودیە و نەیجیریاش لەو مانگەدا زۆرترین نەوتیان بەرهەمهێناوە .
بەپێی راپۆرتەكەی ئۆپیك لە مانگی ئەیلولدا، عێراق رۆژانە بە بری ٨٤ هەزار بەرمیل نەوت ئاستی بەرهەمهێنانی زیادكردوە و رۆژانە چوار ملیۆن و ١٣٩ هەزار بەرمیل نەوتی بەرهەمهێناوە.
Copyright © 2020 Kirkuk Tv All Rights Reserved Designed And Developed By AVESTA GROUP