تەق تەق - گەنجێک لە لایەن براکەیەوە بە دوو فیشەك کوژرا

کەمێک لەمەوبەر لە ناحییەی تەق تەق گەنجێک لە لایەن براکەیەوە تەقەی لێکرا و کوژرا.

عەمید عەلی عەبدوڵا بەڕێوەبەری پۆلیسی کۆیە بە کەناڵی کەرکوکی راگەیاند: بەهۆی کێشەی خێزانیەوە کەمێک لەمەوبەر گەنجێک بەناوی کەیوان شێروان دانیشتوی ناحییەی تەق تەق لە لایەن براکەیەوە بە دوو فیشەک پێکراو بەهۆیەوە گیانی لەدەست دا.

وتیشی لە ئێستادا بە فەرمانی دادوەر هێزەکانیان گەیشتونەتە شوێنی رووداوەکەو پەڕاوی لێکۆلینەوەیان بۆ کەیسەکە کردۆتەوە و تواندراوە بکوژ دەستگیر بکرێت.

راشیگەیاند لە ئیستادا تەرمی قوربانیەکە رەوانەی پزیشکی دادی کراوە لە قەزای کۆیە.