ئه‌ڵمانیا بڕیاریدا مانه‌وه‌ی هێزه‌كانی له‌ عیراق درێژ بكاته‌وه‌

حكومه‌تی ئه‌ڵمانیا بڕیاریدا، ماوه‌ی مانه‌وه‌ی هێزه‌كانی له‌ چوارچێوه‌ی به‌ره‌نگاربوونه‌وه‌ی داعش له‌ عێراق درێژبكاته‌وه‌.

حكومه‌تی ئه‌ڵمانیا ڕایگه‌یاندووه‌، ئه‌نجومه‌نی وه‌زیران ماوه‌ی ئه‌ركی سه‌ربازانی وڵاته‌كه‌ی له‌ عێراق، له‌ چوارچێوه‌ی به‌ره‌نگاربوونه‌وه‌ی داعش بۆ ٩ مانگی تر، تا ٣١ی تشرینی یه‌كه‌می ٢٠٢٢ درێژده‌كاته‌وه‌، كه‌ ژماره‌ی سه‌ربازه‌كانی له‌ عێراق ٥٠٠ سه‌ربازه‌و، ئه‌ركه‌كانیان تایبه‌ته‌ به‌مه‌شق و ڕاهێنان و پێدانی ڕاوێژی سه‌ربازیی به‌ سوپای عێراق و هێزه‌كانی پێشمه‌رگه‌.

ڕاشیگه‌یاندووه‌، سه‌بینێ هه‌ینی ئه‌و بڕیاره‌ له‌ ئه‌نجومه‌نی یاسادانانی فیدراڵی ئه‌ڵمانیا په‌سه‌ند ده‌كرێت و، به‌ ڕه‌سمی بڕیاری مانه‌وه‌ی هێزه‌كانی له‌ عێراق ڕاده‌گه‌یه‌نێت.