قوباد تاڵە‌بانی سە‌رپە‌رشتیاری مە‌كتە‌بی
سكرتاریە‌تی سە‌رۆك مام جە‌لال، له ساڵیادی په‌لاماره‌كه‌ی تیرۆرستان بۆسه‌ر مه‌ڵبه‌ندی
رێكخستنی هه‌ولێری یه‌كێتی نیشتمانی كوردستان و لقی هه‌ولێری پارتی دیموكراتی
كوردستان، له په‌یامێكدا جه‌ختده‌كاته‌وه كه، دە‌بێت بە‌ئاگاتر بین و باشتر لێكدانە‌وە
بكە‌ین بۆ پێشھاتە‌كان تاوە‌كو زیانمە‌ند نە‌بین و بە‌رژە‌وە‌ندییە باڵاكان بپارێزین
نە‌ك رووبە‌رووی مە‌ترسییان بكە‌ینە‌وە لە‌پێناو بە‌رژە‌وە‌ندی تاكە‌كە‌سی.
ده‌قی په‌یامه‌كه:
یە‌كی شوبات، مێژوویە‌كیتری تری زامداری گە‌لە‌كە‌مانە
كە بە‌كردە‌وە‌یە‌كی قێزە‌وون، بە‌دە‌ستی دە‌سیسە‌كراو و تیرۆریستان ئە‌نجامدرا و
بە‌داخە‌وە بووە ھۆی شە‌ھیدبوون و بریندار بوونی ژمارە‌یەك لە ھە‌ڵگرانی پە‌یامی
ئاشتی وجە‌ژنە پیرۆزە.
راستە ھە‌رگیز ئە‌و زامە‌مان ساڕێژ نابێت، بە‌ڵام
ئیرادە‌ی بە‌رەنگاربوونە‌وە‌مان لە‌پێناو پاراستنی دە‌ستكە‌وتە‌كانمان و بە‌دستھێنانی
مافە‌كانمانی گە‌ورە‌تر كرد.
ئێمە‌ی كورد، ھە‌میشە بۆ وە‌رگرتنی مافە‌كانمان
قوربانیمان داوە، دە‌ردە‌سە‌ری و دە‌ربە‌دە‌ریمان دیوە، ئە‌م نە‌ھامە‌تی و مە‌ترسییە‌ش
کۆتاییان نەهاتووە تائێستاش پیلانگێڕان و تیرۆریستان هەڕەشەن بۆسەر ھاوڵاتیانمان.
بۆیە دە‌بێت ھە‌موومان بە‌ئاگاتر بین و باشتر لێكدانە‌وە بكە‌ین بۆ رووداو و پێشھاتە‌كان
تاوە‌كو زیانمە‌ند نە‌بین و بە‌رژە‌وە‌ندییە باڵاكان بپارێزین نە‌ك رووبە‌رووی مە‌ترسییان
بكە‌ینە‌وە لە‌پێناو بە‌رژە‌وە‌ندی تاكە‌كە‌سی.
ھە‌زاران دروود بۆ گیانی پاكی شە‌ھیدانی گە‌لە‌كە‌مان
قوباد تاڵە‌بانی
سە‌رپە‌رشتیاری مە‌كتە‌بی سكرتاریە‌تی سە‌رۆك
مام جە‌لال
Copyright © 2020 Kirkuk Tv All Rights Reserved Designed And Developed By AVESTA GROUP