هەمیشە باوک حەزدەکات کوڕەکەی لەخۆی پیاوانەتر بێت!

برا گەورە حەزدەکات برا چکۆلەکەی لەخۆی پیاوتر سەرکەوتوتر بێت، 

بێ گوومان ئەم سیفەتانە ئەگەر لەچوارچێوەی سیاسەت و کاری حیزبی و رێکخراوەیی کە پلەبەندی تێدایە پەێڕەو بکرێت نیشانەی سەرکەوتنی هەر بەرە و گەل و نەتەوەیەکە، مخابن لەنێو کورد بەم جۆرە نییە، دەبینین کەسانێک خۆیان بەمەرجەع و براگەورە و دەم ڕاستی میلەت دەزانن، بەڵام هەرگیز بۆجارێک دان بە ئازایی و مەردایەتی و سەرکەوتن و دەستکەوتی گرنگی نەتەوەیی براکانیان نانێن، لە ١٠ی ئابی ٢٠١٤ کاتێک هێزێک لە سلێمانیەوە دەچێتە مەخمور و شارۆچکەکە رزگار دەکات و مەترسیەکانی سەر هەولێر و ئەو هێز و لایەنانەی ئەوێ کەمدەکات و هاریکاریان دەکات، تائێستا دەسەڵاتی سنورەکە دەساڵە نایانەوێت بچنە ژێر ئەوبارە و دان بەوەدانانێن رۆڵەکان و هاوزمانەکانیان پاراستونی، رێک دوای دەساڵی تەواو بەسەر ئەو بەروارە هەمان ئەو هێز و لایەنە، لەهەمان  بەروار دێن و دوای حەوت ساڵ کۆت و بەندی دەسەڵاتێکی سەپێندراو دەشکێنن لەکەرکوک کۆتایی بەحوکمێکی سەپێندراو دەهێنن، کەچی هێشتا لەبری ئەوەی لەپێناو خەڵکە بەشمەینەتەکەی شارەکە بێن و پیرۆزبایی بکەن و شانازی بکەن کە هاوزمانێکی خۆتان دەسەڵاتی گردۆتەوە دەست دێن و کارەکە بەنایاسایی و ناشەرعی دەزانن، دڵی دووژمنان دەدەنەوە، داشیان سواردەکەن، ئەمانە دەبنە مێژوو، ئەگەر بۆ دووساڵیش بێت ئەوە مەهامەت و گرنگی و شکۆی خۆی هەیە بۆتاک بەتاکی کورد لەکەرکوک، ئێمەی ڕۆڵەی ئەو شارە بووین و ئەو حەوت ساڵە لەواقیعەکەدا ژیاوین، هەست بەناڕەحەتیەکانی حوکمی داسەپاو دەکەین، ناحەقی ئێوە ناگرم لەدوورە جگە لەدروشمی گەورە و بێ کردار هیچی دیکەتان پێ نەبوو بۆیە بەم جۆرە کاردەن.