‎دوای ٢٤ سەعات لە نمایش

‎دوای ٢٤ سەعات لە نمایش
‎سەروەر بەرزنجی 

‎شەوی ڕابردو بەجۆرێک نمایشی سەرۆکی حکومەت پەخش دەکرا کۆمەڵێک کەسی ئاڕاستەکراو کەوتبونە سوکایەتی کردن بە خەڵکی بەشەرەفی سلێمانی،

‎ھەولێریان لە ئێمەی خەڵکی پارێزگای سلێمانی کردبوە سویسرا
‎سلێمانیشیان کردبوە قەسابخانە،
‎بەڵام برای بەرپرسێکی دیاری کابینەکەی سەرۆکی حکومەت وەک جەژنانە تەرمی ھاووڵاتیەکی ناردەوە بۆ خانەوادەیەکی شاری ھەولێر..

‎لەکاتێدا خەڵکیان بە چایخانە سەرقاڵ کردبوو، چەند سەد مەترێک لەولای ئەو نمایشەی لەچایخانەکە کرا، جەستەی مرۆڤێکی کاسبکاری بێتاوان خەڵتانی خوێن کراو مناڵەکانیان بێناز کرد.

‎لەکاتێکدا مناڵێک لەسکی دایکیدا خەریکە چاو بەدنیا ھەڵدێنێت، ڕێک لەو ڕۆژەدا لەسەر شتێکی بێمانا ژیانیان لەباوکی سەندەوە،
‎سپەی ئەو مناڵە گەورە دەبێت و دەپرسێت کێ باوکمی کوشت؟؟
‎ئەڵێن برای بەرپرسێکی کابینەی نۆ لە حکومەتەکەی ھەرێم،تەنھا لەبەر ئەوەی برای بەرپرسێکی ئەو کابینەیە بوە،
‎لەشەوی لەدایکبونیدا باوکیان لێسەندەوە،
‎لەو شەوەدا لەچایخانەیەک نمایشی ئارامی پارێزگای ھەولێر دەکرا، باوکێک کوژرا کە ھیوای زۆری بە لەدایکبوونی مناڵەکەی بوو،
‎بەڵام نە مناڵەکەی بینی و نە ئاواتەکەشی ھاتەدی،  چرای ماڵەکەی بۆ ھەتاھەتایە کوژایەوە..
‎دەی ئەوانەی ٢٤ سەعات بە سلێمانی دەڕشێنەوە قسەیەک بکەن، باسی ئەو کارەساتە گەورە بکەن کەچۆن بەر لە جەژن ھەم جەژنی ڕەمەزانیان لە خانەوادەیەک تاڵ کرد 
‎ھەم جەژنی لەدایکبونی مناڵێکی ساوایان وێران کرد،
‎ئەگەر خەمی ئارامی خەڵکتانە خۆ ھەولێریەکانیش پێویستیان بە ئارامیە و داوای ئارامیی دەکەن،واز لە سلێمانیەکان بێنن، کاتی ئەوەیە ئارامی ھەولێر بۆ ھەولێریەکان مسۆگەر بکەن،ڕۆژێک لەسەر ترافیک، ڕۆژێک لەسەر فول لایت، ڕۆژێک لەسەر سەیارە شکاندنەوە، ڕۆژێک لەسەر نووسین، مرۆڤ فەلاقەدەکەن و بەسەرتاشین ئەتک دەکرێن..