هەولێر بەهەشتی کام دکتۆرە؟

لە نێوان د فەرهاد پیرباڵ و د. کمال قەناسدا!! 

کە بەراودێک لەنێوان ئەم دوو کەسایەتیەدا دەکەیت دەبینیت پیرباڵ خاوەن چ خەرمانێکی بەرهەمە؟ چی پێشکەشی ئەدەبیاتی کوردی و مێژوو فەرهەنگی میللەتەکەی کردووە؟ چەندین خوێندکاری پێگەیاندووە؟ دەستڕەنگین و نیگار کێش و سەرکێشی لە تایبەتمەندییەکانی ئەم بیرمەندەیە!! 
لەبیرمە ئێمە خوێندکاری کۆلێژی ئاداب بووین هەفتانە لە هەولێرەوە دەهاتە خانەقین وانەی پێ دەگوتین..
لەدوای ئەو هەموو خزمەتە کەچی ئەوە حاڵ و گوزەران و ژیانیەتی لەو پایتەختەی ئەم هەرێمە کە هەموو مرۆڤێکی خاوەن ویژدان لە ناخەوە بۆی دەسووتێ ، لەو لاشەوە د. کمال کە لەسەرەتای هەڵگیرساندنی شۆڕشی نوێ دەستی سوورە بەخوێنی  شەهیدانی سەرکردە لە هەر سەنگەرێ بووبێت یا هەڵهاتووە یا بێگانەی لەگەڵ بووە ، کەچی ئەوە حاڵ و ژیانیەتی کە چۆن دەژی و چۆن ژیان بەسەر دەبات، 
بۆیە وا خەریکە دڕکو داڵەکان گوڵ و گوڵزارەکان دادەپۆشن!! 
ئەوەی جێگەی دڵخۆشیبێت ئەو وەڵام بانگهێشتەی سەرۆک بافڵ جەلال تاڵەبانیە بۆ د.فەرهاد پیرباڵ، بەو هیوایەی لەشاری هەڵمەت و قوربانی و مەڵبەندی ڕۆشنبیریی ئەستێرەی بەهرەی زیاتر بدرەوشێتەوە..
*نوسەرو رۆژنامەنووسێكی دەڤەری گەرمیانە