ڕۆل و پێگەی ژنان لەناو یەکێتیدا
فرمێسک رزگار
ئاشکرایە کۆمەڵگەی کوردی بەهۆی زاڵبونی ئەقڵیەتی پیاوسالاری و نەهامەتیەکانی، ڕۆڵ و مافی ژنی لەبەرچاو نەگرتوە بە پلە دوو هەژماری کردوە، سودی لەتواناو بیرۆکەکانی ژن وەرنەگرتوە راستکردنەوەی ئەم هەمو هەڵەو کەموکوڕیە لەئەقڵیەتی تاک پێویست بوو پارتێک دامەزراوەیەک حزبێک هەبێت گۆرانکاری دروست بکات.
یەکێتیی نیشتمانیی کوردستان دەرکەوت و بوە داینەمۆی بەرپاکردنی ئەم شۆڕشە دژی زوڵم و پەراوێزخستنی ژنان وەستا، تاکە حزبی دیموکراتخوازو سیاسیە ژنی هاوشانی پیاو سەیر کردوە، ژنان هاوشانی باوک و براو هاوسەرەکانیان لەخەباتی شاخ چەک لەشان و لەناو سەختی و برسیەتی خەباتیان کردوە.
نمونەی زیندوش خاتونی بەرێز هێرۆ خان بوە کە رێچکە شکێن بوو، بەبێ گوێدانە هیچ شتێک و بارودۆخێک، لەخەباتی شاریش ژنان کاریان بۆ ئازادیی و یەکسانی کردوە لەریزی رێکخستنەکانی ئەو حیزبە بەشداربون، لەروانگەی یەکێتی بوو ژن توانی خۆی رزگار بکات لەو هەمو زوڵمەو لەچوارچێوەیەکی داخراودا نەمێنیتەوە .
سەرۆک مام جلال گوێگرێکی باشی ژنان بوو، رۆلی ژنان و کچانی بەرز دەنرخاند هانیدەدان و پلەو پۆستی پێدەدان و بەگرنگ لەناو کۆمەڵگە وەسفی دەکردن راوێژی پێدەکردن بڕوای تەواوی بە تواناکانی ژنان هەبوو.
لەدوای کۆچی مام، ئەم بیرو باوەڕە کاڵنەبۆتەوە، پێداگریەکان لەسەر ماڤی ژنان وڕۆلی ژنان تۆختر بوو، کە بەئاشکرا رەنگی دایەوە، سەرۆک بافڵ و قوباد تاڵەبانی لەسەر رێچکەو راسپاردەی مام جەلال هەموو هەوڵی خۆیان خستۆتە گەر بۆ سەرخستنی ئەم شۆڕشەو بەرەنگاربونەوەی توندوتیژی و زوڵم و ستەم و نەهێشتنی جیاوازی ڕەگەزیی.
هەروەها هەموومان پشتیگریی لە داواکەی کاک قوباد دەکەین بەبۆنەێ ٢٥ی نۆڤەمبەری٢٠٢٣ رایگەیاند ."هیچ پاساوێک نیە بۆتوندوتیژیی، هەربۆیە وەرن با پێکەوە کۆتایی بە بیری توندوتیژیی بێنینن لە کۆمەڵگەی کوردەواریمان ، کەم بوونەوەی توندوتیژیی لە نێو ماڵەکانمان بەمانای کەمبوونەوەی توندوتیژییە لەهەموو کۆمەڵگەدا.
هونەرمەند، سیاسی وەرزشوان ،پیاوی ئایینی ،مامۆستا هەموو چین و تۆێژەکان وەرەن با هەموومان پێکەوە ئەم خەمە هەڵگرین و کاربکەین بۆ کەم کردنەوەی نەهێشتنی بیری توندوتیژیی با هەوڵبدەین لەرێگای هونەریشەوە روداوە ڕاستەقینەکان بگەڕێنەوە، کاربکەین بۆ ئەوەی ئەم خەمەی کۆمەڵگە بکەینەوە بە چیرۆک و لەشانۆ لە شاشەی سینەما و تیڤی ومۆبایلەکانمان ببێنین تاکو کەمێک لە ئازاری ژن و کچەکانمان تێبگەین کە ڕووبەروی توندوتیژی دەبنەوە تاکو لەئازاری ئەم دایک و باوکانە تێبگەین کە بەهۆی بیری توندوتیژیەوە کچێکیان لەژێر خاکە و کوڕێکیان لەزیندانە.
وەرەن با یەک بگرین تا بتوانین پێکەوە ئاشتی و ئاسایشی تاک وخێزان و کۆمەڵگە، دو جار ئاسایشی هەرێمەکەمان بپارێزین، هەموومان با هیمەت بکەین لەپێناو زیندووکردنەوەی کلتوری ڕاستەقینەی کوردەواریمان کەبێبەریە لەتوندوتیژی دژی ژنان" بۆیه هەموومان با یەکبگرین بۆ پشتگیریی و بەرزکردنەوەی پەیامەکەی بەرێز کاک قوباد، چونکە لەهەر شوێنیک زوڵم وستەم هەبوبێ جوامێرانە هەڵوێستی وەرگرتوە .
دەتوانم بڵێم خۆشبختانە لەژێر چەترو ساباتی ئەم حیزبە چەندان ژنی لێهاتو شارەزاو بەئەزمونو چاو نەترس دروست بوون و پێگەشتن لەهەمو ئاستەکانی پلەی باڵادا جێدەستیان دیارە تا ئەمرۆش .
بەڵێ ئەوەیە حزبی هەموان حزبی پیرو گەنج و منداڵ و ژن و پیاو حزبی ئازادی بیرورای ئازاد کەتوانی شەڕی یەکسانی ژن و پیاو بکات و ژن بگەڕێنیتەوە لوتکەی سەرکەوتن.
Copyright © 2020 Kirkuk Tv All Rights Reserved Designed And Developed By AVESTA GROUP