رێكخراوی ته‌ندروستیی جیهانیی: ته‌شه‌نه‌كردنی ئاوڵه‌ی مه‌یمون جێگه‌ی نیگه‌رانییه‌

هاوكات له‌گه‌ڵ هه‌ڵكشانی ئامارەکانی توشبون بە ئاوڵه‌ی مه‌یمون و ته‌شه‌نه‌كردنی، رێكخراوی ته‌ندروستیی جیهانیی (WHO) کۆبونەوەیەکی بەپەلە سه‌باره‌ت به‌ رێکارە خۆپارێزییەکان و چۆنییەتی رێگریی لە زیاتر تەشەنەسه‌ندنی نەخۆشییەکە ئەنجام دەدات.

 رێکخراوه‌كه‌، ئەمڕۆ 15ی حوزه‌یران لەراگەیەنراوێکدا رایگه‌یاندوه‌، رۆژی 23ی ئەم مانگە کۆبونەوەیەکی بەپەلە لەبارەی بڵاوبونەوەی نەخۆشی ئاوڵه‌ی مەیمون ئەنجام دەدەن و پێشبینیش دەکرێت حاڵەتی فریاکەوتنی گشتیی رابگەیەنرێت، کە ئاماژه‌یه‌  نەخۆشییەکە گه‌یشتووته‌ قۆناغی نیگه‌رانیی و مەترسیی.  
 
بەگوێرەی ئامارەکانی رێکخراوی تەندروستی جیهانی ئەمساڵ 1600 حاڵەتی توشبون بە ئاوڵه‌ی مەیمون لە 39 وڵاتی جیهاندا تۆمارکراون، لەو ژمارەیەش 72 توشبویان گیانیان له‌ده‌ستداوه‌ به‌ ره‌سمی راگەیەنراوە.