بەڕێوەبەری گشتی تەندروستی سلێمانی ڕایدەگەیەنێت
كە، سیستمی تەندروستیی دەبێتە دیجیتاڵی و هاووڵاتیان لە هەر بنكەیەكی تەندروستیی دەتوانن
بە نیشانی كارت لە خزمەتگوزارییەكانی تەندروستیی سوودمەند بن.
د. سەباح هەورامی بەڕێوەبەری گشتی تەندروستیی
سلێمانی لەكۆنفرانسێكی ڕۆژنامەوانیدا ڕایگەیاند: سیستمی تەندروستیی بە ئەلیكترۆنی
دەكرێت و مەڵبەند و بنكە تەندروستییەكان دەبێتە دیجیتاڵی و هاووڵاتیان چاودێری تەندروستی
ودەرمان دەكەن لە ئەمڕۆوە مێژووی كەرتی تەندروستیی سلێمانی دەچێتە قۆناغێكی نوێوە.
وتیشی: پڕۆژەكە پڕۆژەیەكی قورسە چونكە پڕۆژەكە
ئەلیكترۆنییە چونكە كارمەندی نوێیمان بۆ دانەمەزراوە بەشێك لە كارمەندەكان ڕانەهاتوون
بە سیستمەكە و ئێمە كۆڵنادەین و بەردەوام دەبین لەسەر ڕاهێنانەكان و بە هەوڵی هەموو
لایەك پڕۆژەكە دەبەین بەڕێوە و ڕێكخراوی بیانی بودجەكەی بۆ تەرخان كردووین و پڕۆژەكە
بە ئایندەی سلێمانی دەبێتە خەزینەیەكی زێڕین.
سەبارەت بە بڵاوبوونەوەی
پەتای سكچوون و ڕشانەوە وتیشی: بەڕێژەیەكی بەرچاو پەتای سكچوون و ڕشانەوە لە سنووری
پارێزگای سلێمانی بڵاوبۆتەوە و ئەمەش شتێكی چاوەڕوانكراو بوو بۆ ئێمە، و ساڵانە لەم
وەرزەدا پەتای سكچوون زیاددەكات و ئەوەی كە جێی ترس و دڵەڕاوكێی ئێمەیە بە پێی
ستانداردە جیهانییەكان هەر بە پێنج شەش ساڵ جارێك پەتای كۆلێرا بڵاودەبێتەوە كە یەكێكە
لە خراپترین جۆرەكانی سكچوون و گومان دەكەین ئەمساڵ پەتای كۆلێرا بڵاوببێتەوە.
Copyright © 2020 Kirkuk Tv All Rights Reserved Designed And Developed By AVESTA GROUP