سلێمانى هۆشدارى ده‌درێت له‌بڵاوبونه‌وه‌ى زياترى كۆرۆنا له‌ ڕۆژانى جه‌ژندا

تەندروستی
10:33 - 2022-07-08

نەخۆشخانەی عەلی ناجی لە سلێمانی ھۆشداری دەدات لە زیادبوونی حاڵەتەکانی توشبوون بە ڤايرۆسى کۆرۆنا لە ڕۆژانی جەژندا و رايده‌گه‌يه‌نن" كه‌ جۆری نوێی ڤایرۆسی کۆرۆنا زۆر بەخێرای بڵاودەبێتەوە.

نەخۆشخانەی عەلی ناجی لە سلێمانی لە ڕاگەیەنراوێکدا بڵاويانكردۆته‌وه‌ كه‌ ڕۆژانی جەژن لەبەر سەلامەتی تەندروستی خۆتان و خێزانه‌كانتان خۆتان دوربگرن لە تێکەڵابوون بۆ ئەم جەژنە، به‌هۆى ئه‌وه‌ى جۆری نوێی ڤایرۆسی کۆرۆنا زۆر بەخێرای بڵاودەبێتەوە.

هه‌وه‌ها چه‌ند رێنمايه‌كى ته‌ندروستيشيان خستۆته‌ڕوو و داواكاران هاوڵاتيان پابەندبن پێوه‌ى. 

وه‌ك
1- بەدووربە لە شوێنی قەرباڵغ و تێکەڵبوون.  
2- لەکاتی سەردانی شوێنە گشتیەکان باشترە ماسک بەکار بھێنرێت.  
3- لەکاتی ھەبوونئ نیشانە پێویستە دڵنیابیتەوە لە تەندروستیت و پشکنینی کۆڕۆنا ئەنجام بدرێت، ئەگەر پەتای ئاسایش بێت.  
4- دەستەکانت زوو زوو بشۆ و بابەتی پاکژکردنەوە بەکار بھێنت.  
5-خۆت دوربگرە لە باوەش و ماچکردن و تێکەڵبوون.  

 

ئه‌مه‌ سه‌ره‌ڕاى ئه‌وه‌ى چه‌ند نه‌خۆشيه‌كى تر له‌ماوه‌كانى رابردوو بڵاوبووه‌ وه‌ك( تاى خوێنبه‌ربوون و كۆلێرا) و چه‌ند كه‌سێكيش به‌هۆيه‌وه‌ گيانيان له‌ده‌ستدا هه‌ربۆيه‌  پسپۆڕانى ته‌ندروستيش داواكارن له‌ هاوڵاتيان پابه‌ندى ڕێنمايه‌ ته‌ندروستيه‌كان بن به‌تايبه‌تر له‌كاتى به‌ئه‌نجامگه‌ياندنى قوربانى له‌ رۆژانى جه‌ژندا .

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP