ئاماری قوربانیانی خۆپیشاندانه‌كانی رۆژهه‌ڵاتی كوردستان و ئێران به‌رز ده‌بێته‌وه‌

جیهان
21:06 - 2022-09-25

ئاماری كوژراوانی خۆپیشاندانه‌كانی رۆژهه‌ڵاتی كوردستان و ئێران بۆ ٤١ كه‌س به‌رزبووه‌وه‌

خۆپیشاندانه‌كانی رۆژهه‌ڵاتی كوردستان و ئێران دژی گیانله‌ده‌ستدانی ژینا ئه‌مینی به‌رده‌وامه‌و ئاماری كوژراوانی خۆپیشاندانه‌كانیش، بۆ زیاتر له‌ ٤٠ كه‌س به‌رزبووه‌وه‌ و سه‌دان كه‌سیش ده‌ستگیركراون.

به‌پێی ئامارێك كه‌ له‌لایه‌ن ته‌له‌فزیۆنی ره‌سمی ئێرانه‌وه‌ بڵاوكراوه‌ته‌وه‌ ، له‌ سه‌ره‌تای ده‌ستپێكردنی خۆپیشاندانه‌كان دژی گیان له‌ده‌ستدانی ژینا ئه‌مینی ، تا ئێستا ٤١ كه‌س له‌ شاره‌ جیاجیاكانی ئێران كوژراون، كه‌ چه‌ند كه‌سێكیشیان له‌ هێزه‌ ئه‌منییه‌كانن، به‌ڵام رێكخراوی هیومه‌ن رایتس وۆچ ئاماژه‌ی بۆ ئه‌وه‌ كردووه‌ ، تا ئێستا ٥٠ خۆپیشانده‌ر كوژراون. 

به‌ پێی زانیاریه‌ رۆژنامه‌وانییه‌كانیش، ته‌نها له‌ پارێزگای گیلان ٧٣٩ خۆپیشانده‌ر له‌لایه‌ن هێزه‌ ئه‌منییه‌كانی ئێرانه‌وه‌ ده‌ستگیركراون كه‌ ٦٠ یان ژنن ، لیژنه‌ی پاراستنی رۆژنامه‌نوسانیش كه‌ باره‌گاكه‌ی له‌ ئه‌مریكایه‌ ئاشكرایكردوه‌، تا ئێستا ١١ رۆژنامه‌نوس ده‌ستگیركراون.

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP

بەپەلە