دراوی نێوده‌وڵه‌تی تێكڕای هه‌نارده‌ی نه‌وتی پێشبینیكراوی عیراق بۆ ئه‌مساڵ ده‌خاته‌ڕوو

سندوقی دراوی نێوده‌وڵه‌تی پێشبینی ده‌كات، تێكڕای هه‌نارده‌ی نه‌وتی عێراق بۆ ساڵی 2023 ده‌گاته‌ 3.89 ملیۆن به‌رمیل له‌ رۆژێكدا.

به‌پێی نوێترین خشته‌ كه‌ سندوقی دراوی نێوده‌وڵه‌تی بڵاویكردووته‌وه‌، له‌ ساڵی 2023دا تێكڕای هه‌نارده‌ی نه‌وتی عێراق له‌ رۆژێكدا 3.89 ملیۆن به‌رمیل ده‌بێت، ئه‌و رێژه‌یه‌ له‌ ساڵی 2024دا بۆ 4.04 ملیۆن به‌رمیل به‌رزده‌بێته‌وه‌.

له‌ ساڵی 2022دا تێكڕای هه‌نارده‌ی نه‌وتی تۆماركراوی عێراق 3.56 ملیۆن به‌رمیل بووه‌ له‌ رۆژێكدا، له‌ ساڵی 2021یشدا 3.44 ملیۆن به‌رمیل نه‌وتی رۆژانه‌ی هه‌نارده‌كردووه‌.