مایلز كاگینز وتهبێژی پێشووی هاوپهیمانی نێودهوڵهتی له چاوپێكهوتنێكدا رهتیكردهوه واشنتۆن هیچ نیهتێكی ههبێت بۆ هێرشكردنه سهر ئێران یاخود ئهنجامدانی ئۆپراسیۆنی سهربازی لهناو خاكی عێراق و رایگهیاند:" ههموو ئهو دهنگۆیانهی لهوبارهیهوه بڵاودهكرێنهوه دوورن له راستییهوه، چونكه ژمارهی هێزهكانیان بۆ ئهو مهبهسته بهس نییه و ئهركی هێزهكانیشیان بۆ شهڕكردن نییه.
مایلز كاگینز ئاماژهی بهوهشدا، لهماوهی ههفتهی رابردوودا ژمارهیهكی زۆر له هێزهكانیان له ناوخۆ و دهرهوهی عێراق و سوریا جوڵهیان پێكراوه، بهڵام ئهو جوڵانه ساڵانهو رۆتینین و بۆ ئاڵوگۆڕی هێزی كۆن و نوێیه.
مایلز كاگینز جهختیشیكردهوه لهوهی، ئهركی هێزهكانی ئهمریكا له عێراق و سوریا بۆ روبهڕوبوونهوهی تیرۆریستانی داعشه، لهئێستاشدا تهنها راوێژ دهدهن و شهڕ ناكهن، ئهوهش لهپێناو پاڵپشتیكردنی هێزه ئهمنییهكانی عێراق و پێشمهرگه و هێزهكانی سوریای دیموكراته دژی داعش.
Copyright © 2020 Kirkuk Tv All Rights Reserved Designed And Developed By AVESTA GROUP