كه‌ركوك .. به‌ڕێوه‌به‌ری زیندانی ته‌فسیرات ده‌ستگیر ده‌كرێت

هێزێكی ئه‌منی به‌ڕێوه‌به‌ری زیندانی ته‌فسیراتیان ده‌ستگیر كرد و ره‌وانه‌ی به‌غدادی پایته‌ختیان كرد. 

به‌ گوێره‌ی زانیارییه‌كان هێزه‌ ئه‌منییه‌كه‌ سه‌ر به‌ كاروباری ناوخۆی پارێزگای سه‌ڵاحه‌دین بووه‌ و عه‌قید وه‌لید سه‌بعاوی به‌ڕێوه‌به‌ری زیندانی ته‌سفیراتی كه‌ركوكیان ده‌ستگیر كردووه‌ و به‌مه‌به‌ستی لێكۆڵینه‌وه‌ش بۆ به‌غدادیان گواستووه‌ته‌وه‌. 

هه‌ر به‌ گوێره‌ی زانیارییه‌كان ده‌ستگیركردنی ناوبراو له‌سه‌ر بنه‌مای به‌ڵگه‌ی یه‌كێك له‌ ده‌ستگیركراوان بووه‌، كه‌ ده‌ری ده‌خات به‌ڕێوه‌به‌ری زیندانه‌كه‌ به‌رتیلی لێوه‌رگرتووه‌ و له‌نێو زیندانییه‌كه‌شدا هۆڵی تایبه‌ت هه‌یه‌ بۆ ئه‌و زیندانییانه‌ی پاره‌ ده‌ده‌ن خزمه‌تی زیاتر ده‌كرێن و هێڵی ئینته‌رنێتیشی تێدایه‌.