كۆریای باكور چه‌ند موشه‌كێكی كروزی له‌ كه‌ناراوه‌كانی خۆرهه‌ڵات تاقیكرده‌وه

ده‌سته‌ی ئه‌ركانی هاوبه‌شی كۆریای باشور رایگه‌یاند:" هێزه‌كانیان چه‌ند موشه‌كێكی كروزیان له‌ سه‌ر ئاوه‌كانی باكوری خۆرهه‌ڵاتی وونسان ده‌ستنیشانكردووه‌، كه‌ له‌ كۆریای باكوره‌وه‌ ئاراسته‌ كراون و له‌ئێستاشدا ده‌زگا هه‌واڵگرییه‌كانی كۆریای باشورو ئه‌مریكا لێكۆڵینه‌وه‌ی ورد له‌وباره‌یه‌وه‌ ده‌كه‌ن.
له‌م هه‌فته‌یه‌دا كۆریای باكور په‌ره‌پێدانی سستمێكی نوێی بۆ كۆنترۆڵكردنی موشه‌كه‌ بالیستی و موشه‌ك هاوێژه‌ جۆراوجۆره‌كان راگه‌یاند كه‌ به‌پێی زانیارییه‌كانی ئه‌كادیمیای زانستی به‌رگری كۆریای باكور، ئه‌و سستمه‌ نوێیه‌ گۆڕانكاری له‌ هێزی سوپادا دروستده‌كات.

‌