بۆ مانگی ره‌مه‌زان چه‌ند مادده‌یه‌كی خۆراكی بۆ به‌شه‌خۆراك زیادده‌كرێت

وەزارەتی بازرگانیی عێراق، چه‌د ماددە خۆراکی بۆ بەشەخۆراکی مانگانەی هاووڵاتییان له‌ مانگی رەمەزان زیاددەکات.  

محەمەد حەنوون، وتەبێژی وەزارەتی بازرگانیی عێراق  له‌ لێدوانێكی رۆژنامه‌وانیدا راگەیاندووه‌:" وەزارەتی بازرگانیی پلانێکی ئامادەکردووە، بۆ دابینکردنی چەند خۆراکێکی وه‌ك شعریە، مەعکەرۆنی، ئاردی کێک و ئاردی سفر، بۆ سەبەتەی مانگی رەمەزانی بەشە خۆراکی هاووڵاتییان."

حه‌نون ده‌ڵێت:" کۆگاکانی سەر بە وەزارەتی بازرگانیی لە بەغداد و پارێزگاکان، بۆ سەبەتەی خۆراکی مانگی رەمەزان و خۆراکە زیادکراوه‌كانش ئامادەکارییان کردووە."

ده‌شڵێت:" له‌مانگی رەمەزاندا بۆ كۆنترۆڵكردنی نرخی خۆراك و كه‌لوپه‌له‌كان، چاودێریی ورد دەخرێتە سەر بازاڕ و فرۆشیارەکان"