سه‌رۆكی توركیا: دوای هه‌ڵبژاردنه‌كان سه‌ردانی عێراق ده‌كه‌م

ره‌جه‌ب ته‌یب ئه‌ردۆغان سه‌رۆكی توركیا ئاشكرایكرد دوای هه‌ڵبژاردنه‌كانی وڵاته‌كه‌ی له‌ ئاداری ئه‌مساڵ، سه‌ردانی عێراق ده‌كات.

ئه‌مڕۆ دووشه‌ممه‌ 26ی شوباتی 2024 سه‌رۆكی توركیا له‌ ناوه‌ندی سه‌ره‌كی حزبه‌كه‌ی‌، رایگه‌یاند:" دوای هه‌ڵبژاردنی شاره‌وانییه‌كان له‌ كۆتایی ئاداری ئه‌مساڵدا، سه‌ردانی عێراق ده‌كات."

سه‌رۆكی توركیا، هەڵبژاردنی شاره‌وانییه‌کانی ئه‌مساڵی وڵاته‌كه‌ی به‌ چاره‌نوسازو گرنگ ناوبرد، كه‌ بڕیاره‌ له‌ 31 ئادار  بەڕێوەبچێت"

باسی له‌وه‌شكرد كه‌:" له‌ مانگی ره‌مه‌زاندا ئاماده‌كاریی ده‌كه‌ن بۆ كۆبونه‌وه‌ له‌گه‌ڵ وڵاتانی دراوسێ و هاوپه‌یماندا"  

سه‌باره‌ت به‌ كرێنی فڕۆکەی ئێف 16 لە ئەمریکاش وتی:" لە گفتوگۆكانیان له‌و باره‌یه‌وه‌ بەردەوامن".