ئه‌نجومه‌نی وه‌زیرانی هه‌رێم بڕیاریدا كه ده‌ست به‌دابه‌شكردنی زه‌وی به‌سه‌ر ئه‌و فه‌رمانبه‌ره هه‌میشه‌یی و گرێبه‌ستانه‌دا بكات كه سوودمه‌ند نه‌بوون، هه‌روه‌ها بڕیاریشدرا لیستی مووچه‌ی مانگی شوباتی فه‌رمانبه‌ران رابگه‌یه‌نرێت.
سایتیPUKMEDIA بڵاویكرده‌وه كه سه‌رچاوه‌یه‌ك له ئه‌نجومه‌نی وه‌زیران پێیراگه‌یاندووه:" ئه‌نجومه‌نی وه‌زیران له كۆبونه‌وه‌ی ئه‌مڕۆیدا بڕیاریداوه ده‌ست به‌دابه‌شكردنی زه‌وی به‌سه‌ر فه‌رمانبه‌ران بكرێته‌وه، به‌وته‌ی سه‌رچاوه‌كه: "هه‌ر له‌كۆبوونه‌وه‌كه‌دا بڕ‌یاردراوه به لێخۆشبوونی 20% له قه‌رزی ئاو و كاره‌با و هاتوچۆ".
هاوكات ئه‌نجومه‌نی وه‌زیران بڕیاریدا دابه‌شكردنی مووچه‌ی مانگی شوبات ده‌ستپێبكات، له‌كاتێكدا كه لیستی مووچه‌ی مانگی ئاداریش ره‌وانه‌ی به‌غدا كراوه.
Copyright © 2020 Kirkuk Tv All Rights Reserved Designed And Developed By AVESTA GROUP