د.لەتیف رەشیدـ سەرۆک کۆماری عێراق ئهمڕۆ دووشهممه 15ی نیسانی 2024 به سهردانێكی فهرمی، گەیشتە عەممانی پایتەختی شانشینی ئوردن و لەلایەن شا عەبدوڵڵای دووەم، پادشای ئوردنەوە پێشوازی لێکرا.
بۆ پێشوازیکردن لە سەرۆک کۆمار، مەراسیمێک رێكخرا كه مارشی نیشتمانیی کۆماری عێراق و شانشینی ئوردنی ھاشمی و پشکنینی پاسەوانی شەرەفی لەخۆگرتبوو.
لە سەردانەکەدا وەفدێکی حکومی یاوەری د.لهتیف رهشید، سەرۆک کۆمار دەکات، کە پێکھاتوە لە د.خالد بەتال وەزیری پیشەسازی و کانزاکان و د.تاڵیب خەلیل راھی ئەندامی ئەنجومەنی نوێنەران و ژمارەیەک لێپرسراو و راوێژکار.
لهلایهن شانشینی ئوردنیشهوه، جگهل له شا عهبدوڵای دووهم، د.بەشر خەساونە سەرۆک وەزیرانی ئوردن و د.جەعفەر حەسان بەڕێوەبەری نوسینگەی پادشای ئوردن و یوسف شمالی، وەزیری پیشەسازی و بازرگانی و ژمارەیەک لە لێپرسراوانی ئوردن له پێشوازیی سهرۆك كۆماری عێراقدا بوون.
بڕیارە سهرۆك كۆماری عێراق و پادشای ئودرن خولێکی گفتوگۆی دوو قۆڵی و پاشان فراوان لەنێوان لە کۆشکی "بسمان"ی ئوردن بەڕێوەبچێت.
Copyright © 2020 Kirkuk Tv All Rights Reserved Designed And Developed By AVESTA GROUP