بڕیارە ئەمڕۆ ، ئەنجومەنی سەرکردایەتیی (ی ن ک) سەبارەت بە ئامادەکارییەکانی ھەڵبژاردنی پەرلەمانی کوردستان كۆببێتەوە.
سەعدی ئەحمەد پیرە وتەبێژی (ی ن ک) راگەیاند، کۆبونەوەکەی ئەنجومەنی سەرکردایەتی یەکێتی بۆ تاوتوێکردنی ئامادەکارییەکانی ھەڵبژاردن و گفتوگۆکردن لەسەر چۆنیەتی بەڕێوەچوونی پڕۆسەکەیە.
وتیشی، یەکێتی تەواوی ئامادەکارییەکانی بۆ پرۆسەکە کردووەو گفتوگۆ لەسەر چۆنیەتی دەستپێکردنی بانگەشەی ھەڵبژاردن دەکەین.
بڕیارە رۆژی ١٠ی ٦ی ئەمساڵ هەڵبژاردنی خولی شەشەمی پەرلەمانی کوردستان بەرێوەبچێت و ئەو وادەیەش بە مەرسوم لەلایەن سەرۆکی هەرێمی کوردستانەوە دیاریکراوە، هەروەها کۆمسیۆنی باڵای سەربەخۆی هەڵبژاردنەکانی عیراق پرۆسەکە بەڕێوەدەبات.
Copyright © 2020 Kirkuk Tv All Rights Reserved Designed And Developed By AVESTA GROUP