ئامادەکردنی لیستی موچەی مانگی چواری فەرمانبەران لەکۆتایی نزیک بووەتەوە و ھێشتا رەوانەی بەغداد نەکراوە، بۆ مانگی پێنجیش دوو لیست ئامادە دەکرێت.
سەرچاوەیەک گەنجینەی سلێمانی بە کوردسات نیوزی راگەیاندووه:" لە ئێستادا ئامادەکردنی لیستی مووچەی مانگی چوار لە کۆتایی نزیک بوەتەوە، بۆ ئەوەی رەوانەی بەغداد بکرێت."
سەبارەت بە پلە بەرزکردنەوەش، سەرچاوەکە رایگهیاندووه:" ھیچ رێنماییەک بۆ چۆنیەتی دەستپێکردنەوەی پلە بەرزکردنەوەی فەرمانبەران نییە، بەڵام فەرمانگەکان بەپێی ئاگادارکردنەوەیان لەلایەن وەزارەتی داراییەوە لیستەکان ئامادە دەکەن، لە ئێستاشدا لیستی مووچەی مانگی ٥ بە پلە بەرزکردنەوە و بەبێ پلە بەرزکردنەوە ئامادە دەکەن."
پێشتر ئارام عەبدوڵا بەڕێوەبەری گشتی بودجە لە وەزارەتی دارایی ھەرێم بە کوردسات نیوزی راگەیاندبوو:" لەگەڵ بەرێوەبەری میلاکاتی وەزارەتەکان کۆبوونەتەوە بۆ دەستپێکردنەوەی پلەبەرزکردنەوەی فەمانبەرانی ھەرێم، وەزارەتەکان سەرقاڵی ئامادەکردنی لیستی پلەبەرزکردنەوەن، دەبێت تا ١ی ئایار ھەموو وەزارەتەکان لیستی پلەبەرزکردنەوە بنێرن بۆ دیوانی وەزارەتی دارایی."
Copyright © 2020 Kirkuk Tv All Rights Reserved Designed And Developed By AVESTA GROUP