ناچۆ فێرناندێز، ریزەکانى ریاڵ مەدرید بەجێدەهێڵێت

ناچۆ فێرناندێزى بەرگریکارى یانەى ریاڵ مەدرید، بۆندەکەى لەگەڵ ریاڵ مەدرید نوێ ناکاتەوە و لە کۆتایی وەرزیشدا ریزەکانى مالى شاهانە جێدەهێڵێت، فابریزۆ رۆمانۆ، پسپۆر و شارەزا لە گواستنەوەى یاریزانان، ئاشکرایدەکات: ناچۆى بەرگریکار بە هاوڕێکانى وتوە، دەیەوێت لەم چەند یارییەى ماویانەوە لەسەرجەم خول و پاڵەوانێتیەکان، ئاستێکى نمونەى پێشکەش بکات، چونکە بڕیاریداوە، بە باشترین شێواز ریزەکانى مێرانگى جێبهێڵێت، فابریزۆ رۆمانۆ ئەوەشى ئاشکراکردوە: بەرگریکارە تەمەن 34 ساڵانە پلانى مانەوەى لە خولى ئیسپانى نییە، بەڵکو دەیەوێت لە دەرەوەى ئیسپانیا بەردەوامى بە کاروانى یاریکردنى بدات، هەروەها نزیکترین یانەش لە یاریزانەکەوە، ئینتەر میلانى ئیتاڵیە.