بەپێی هەواڵێکی تۆڕی (بی بی سی)ی بەریتانی، پزیشکانی نەخۆشخانەکانی کۆلێژی لەندەن، دەستیان بە تاقیکردنەوەی یەکەمین ڤاکسینی دژە شێرپەنجەی جۆری پێست(میلانۆما)کردووە، ڤاکسینەکە یارمەتی سیستمی بەرگری لەش دەدات بۆ ناسینەوە و سڕینەوەی هەر خانەیەکی شێرپەنجەیی.
تاقیکردنەوەی یەکەم لەسەر سەدان توشبوی ئەو جۆرە شێرپەنجەیە کراوە و تاقیکردنەوەی دوەمیش لەسەر ژمارەیەک نەخۆش ئەنجامدراوە و کۆمپانیاکانی دەرمانی (مۆدێرنا و ئێم ئێس) تێیدا بەشداربوون، دەرکەوتوە کە مەترسی دوبارە توشبونەوە بە شێرپەنجە بە میلانۆما بەشێوەیەکی بەرچاو کەمبوەتەوە.
ئاماژە بەوەشکراوە، ڤاکسینەکە توانای وەستاندنی شێرپەنجەی (سییەکان، میزەڵدان و گورچیلەکان)ی هەیە.
بەپێی هەواڵەکەی بی بی سی، ئێستا تاقیکردنەوەی کۆتایی قۆناغی سێیەم دەستیپێکردوە و لەلایەن نەخۆشخانەکانی زانکۆی کۆلێژی لەندەنەوە سەرپەرشتی دەکرێت، پلان هەیە هەزار و 100 توشبوی شێرپەنجە ئەم چارەسەرە وەربگر.
Copyright © 2020 Kirkuk Tv All Rights Reserved Designed And Developed By AVESTA GROUP