پارێزگای زیقاڕ دەوامی رەسمی بۆ سبەینێ ڕادەگرێت

ئەنجومەنی پارێزگای زیقاڕ بڕیاریدا سبەی یەکشەممە دەوامی رەسمی ڕابگرێت، بەهۆی به‌رزبونه‌وه‌ی پلەکانی گەرما به‌شێوه‌یه‌كی به‌رچاو له‌پارێزگاكه ‌.
ئەنجومەنی پارێزگای زیقاڕ له‌ڕاگه‌یه‌ندراوێكی كورتدا بڵاویكرده‌وه‌، بڕیاریانداوە سبەی یەکشەممە دەوامی رەسمی له‌سه‌رجه‌م دام و ده‌زگاكان ڕابگیرێت، بەهۆی بەرزبونەوەی پلەکانی گەرما‌، بەڵام خوێندكارانی پۆلی شه‌شه‌می ئاماده‌یی ئه‌م پشووه‌ نایانگرێته‌وه‌، له‌گه‌ڵ داموده‌زگا ئه‌منی و خزمه‌تگوزاریه‌كان".
ئه‌وه‌ش له‌كاتێكدایه‌ به‌پێی پێشبینیه‌كانی كه‌شناسی، پله‌كانی گه‌رما له‌ژماره‌یه‌ك پارێزگای ناوه‌ڕاست و خوارووی عێراق بۆ سه‌رووی 50 پله‌ی سیلیزی به‌رزده‌بنه‌وه‌.