بڕیارەکەی بانکی ناوەندی بۆ سنوردارکردنی فرۆشتنی دۆلار و کاریگەرییەکانی

ئه‌ندامێكی لیژنەی دارایی پەرلەمانی عێراق رایگه‌یاند، بڕیارەکەی بانکی ناوەندی عێراق بۆ سنوردارکردنی فرۆشتنی دۆلار بەهاوڵاتییان لەفڕۆکەخانە ئامانجی بەرەنگاربونەوەی قاچاخی دراو و کەمکردنەوەی گەندەڵییە.
جەمال كۆچه‌ر ئه‌ندامی لیژنەی دارایی پەرلەمانی عێراق رایگه‌یاند، بڕیارەکەی بانكی ناوه‌ندی عێراق ڕێگریدەکات لەگەندەڵکاران لە قۆرخکاری شوێنەکانی دیكه‌ی فرۆشتن، بۆ قاچاخبردنی دراو و كوتكردنەوەی فرۆشتنی دۆلار لە فڕۆكەخانەكان، گه‌ره‌نتی گەیاندنی ئەو دۆلارانە دەكات بەگەشتیارانی راستەقینە".
وتیشی: ئەو بڕیارە کاریگەری نەرێنی لەسەر هاوڵاتیان نابێت، بەڵکو گەمارۆدانی قاچاغچی و گەندەڵکارانه‌و بۆمان دەرکەوتووە بەهۆی گەندەڵییەوە ملیۆنان دۆلار دەدزرێت، بڕیارە نوێیەکەش قەیرانێک بۆ دز و گەندەڵکاران دروستدەکات.
ماوەی چەند رۆژێکە بەهۆی رێوشوێنە نوێکانی بانکی ناوەندی بۆ فرۆشتنی دۆلار، نرخی دۆلار بەرزبوەتەوە و نرخی ١٠٠ دۆلار لە ١٥٠ هەزار دینار نزیکبوەتەوە.